Gerok Ma’yî Merkezê Kultur, Huner û Edebîyatî yê Anatolîyayî de ke Anqara de ameyo awankerdene, atolyeya gedeyan organîze kerd.
Gerok Ma ke binê banê Ma Musîcî de awan bîyo, Merkezê Kultur, Huner û Edebîyatî yê Anatolîyayî yê Anqara de atolyeya gedeyan organîze kerd. Koordînatorê Ma Musîcî Şêrko Kanîwar û endamê Gerok Ma’yî awanîya Merkezê Kultur, Huner û Edebîyatî yê Anatolîyayî ya qezaya Çankaya ya Anqara de gedeyan reyde ameyê têhet û pîya deyîr vatî û kayî kay kerdê.
Keyeyê gedeyan zî beşdarê atolye bîyê û atolye de gedeyan kayî kay kerdê û deyîrî vatî. Sewbîna atolye de gedeyan resimî xêz kerdî û rîtîm ser o xebitîyayê. Gedeyan rojêka bi coş û Kurdkî vîyarnaye.
