Aplîkasyonê kayê Tabû yê Kurdkî hetê Vejîn Medya ra ameyo amadekerdene.
Kayê Tabûyê ke bi ziwananê cîyayan yeno kaykerdene, êdî bi Kurdkî zî eşkeno bêro kaykerdene. No kay bi di lehçeyanê Kurdkî amade bîyo. Hem bi kurmancî hem zî bi kirmanckî (zazakî) hetê Vejîn Medya ra ameyo amadekerdene. Aplîkasyon seba telefonanê Androîd û ÎOSî amade yo. Telefonê Androîdî eşkenê Google Play Store ra, yê ÎOSî zî eşkenê App Store ra aplîkasyonê bar bikerê telefonanê xo û kay bikerê.
Bi lehçeya kurmancî kay amade yo la lehçeya kirmanckî de seba ke hema zî barkerdîşê çekûyan dewam keno, nika kay nêbeno. La do demêko kilm de amadekarîyê ci biqedîyê û kayî rê amade bibo.
