Komîsyonê karanê mîyaneteweyî yê Partîya Karkeran a Arjantînî keypelê xo yê webî de tewrê kampanyaya “Ez wazena Abdullah Ocalanî bivîna” bi.
Komîsyonê karanê mîyaneteweyî yê Partîya Karkeran a Arjantînî (Partido Obrero) keyepelê xo yê webî de tewrê kampanyaya “Ez wazena Abdullah Ocalanî bivîna” bi. Mektubo ke do Sersefîrê Tirkî yê Buenos Airesî û Wezîrêya Edaletî rê bêro şawitene ame weşanayene.
Mektubê Partîya Karkeran a Arjantînî de ca dîya nînan:
“Wezîrê Edaletî yê Komara Tirkîya Yilmaz Tunç rê,
Sersefîrê Komara Tirkîya yo ke Arjantînî de yo, Suleyman Omur Budak:
Ma wazenê Komara Arjantînî ra, welatê ma û dinya ra şexsîyet û dezgehan reyde Abdullah Ocalan û girewtwyanê sîyasîyan ê bînan ke Îmrali de yê zîyaret bikerê. Ma danê eşnawitene ke ma paştî danê kampanyaya “Ez wazena Abdullah Ocalanî bivîna” û eynî wextî de ma wazenê ke heq û azadîya pêro girewteyanê sîyasîyan bêra naskerdene û heqanê kesanê ke vera zextanê hukmatî vengê xo berz kenê, hurmet bêro kerdene. Ma wazenê ke zext û zulmê vera şarê kurdî bêro qedînayene û heqanê sîyasîyan û heqê qederê xo bi xo tayînkerdişî yê kurdan rê hurmet bêro kerdene.
Bi nameyê Komîsyonê Mîyanneteweyî yê Partido Obrero (Arjantîn) Pablo Heller û Rafael Santos”
