Goreyê çeteleya zilmî ya aşma nîsane 34 cinî û 3 gedeyî ameyê kiştene, 14 cinî û 2 hebî gedeyî zî biguman cuya xo vîndî kerde.
Fesihkerdişê Peymana Stenbolî ra pey zilmo cinîyan ser o zêde bi û çeteleya zilmî ya ke hetê rêxistinanê cinî û çapemenî ra yena amadekerdene, na tablo nîşan dano. Goreyê daneyanî ke muxabîra JINNEWS’î Yeşîm Oruç pêser kerdî, aşma nîsane de 34 cinî û 3 hebî gedeyî ameyê kiştene, 14 cinî û 2 hebî gedeyî zî biguman cuya xo vîndî kerda.
12 hebî cinîyî hetê camêrdî ke înan reyde zewijnayeyî, 2 hebî cinîyî camêrdanî ke tira fek veradayo, 4 cinî zî hetê merdimanê xo ra, 6 hebî cinîyî hetê camêrdanî ke asta veradayîşî de yê, 4 hebî cinîyî hetê gumanbaran ke nêzdîbîyayîşê înan nêyeno zanayene, cinîyêk hetê gedeyê xo ra, cinîyêk hetê pîyê xo ra, cinîyêk hetê keso ke kes nas nêkeno ra ameye kiştene. Stenbol de 12, Îzmîr de 2, Tekîrdag de 2, Riha de 1, Aksaray de 1, Samsun de 2, Kastamonu de 1, Hatay de 1, Manîsa de 1, Qers de 2, Erzirom de 1, Denîzlî de 3, Meletî de 1, Konya de 1, Afyon de 1, Eskîşehîr de 1, Edene de zî cinîyêk ameye kiştene.
Platformê Ma do Kiştişê Cinîyan Vindarnê zî raporê aşma nîsane raya pêroyî reyde pare kerd û dîyar kerd ke aşma nîsane de 29 hebî cinîyî hetê camêrdan ra ameyê kiştene û 14 hebî cinîyî zî bi hewayêko biguman kişte ameyê vînayene.
