Komela Ziman û Kulturî ya Mezopotamya (MED-DER) atolyeyê ziwanê kurdkî yê neweyî akerdî. Atolyeyî ke hem Amed de rî bi rî û hem zî online yenê dayene, her daraxî rê programê hîrê aşman pêşkêş kenê.
MED-DER ke bi serran waranê pawitiş û perwerdedayîşê ziwanê kurdkî de xebatan keno, atolyeyê xo yê neweyî pare kerdî. Nê atolyeyî seba kesanê ke wazenê ziwanê kurdkî bimusê yan zî daraxê xo berz bikerê firsendêko muhîm pêşkêş kenê.
Programê atolyeyan her daraxî rê demê hîrê aşman ameyî plankerdene. Beşdarî eşkenê goreyê daraxê xo yê ziwanî nê programan ra yew biweçînê. Atolyeyî hem rî bi rî de hem zî online yenê dayene û bi no hewa kesê ke teberê Amedî de zî ciwîyenê, eşkenê beşdarê dersanê kurdkî bibê.
Daraxê kirmanckî (zazakî):
Daraxê destpêkî (seba kesanê ke hema dest bi musayîşê kirmanckî nêkerdo)
Daraxê I. (seba kesanê ke bingeyê kirmanckî zanê)
Daraxê II. (seba kesanê ke daraxo yewin qedênayo)
Daraxê kurmancî:
Daraxê destpêkî (seba kesanê ke hema dest bi musayîşê kurmancî nêkerdo)
Daraxê I. (seba kesanê ke bingeyê kurmancî zanê)
Daraxê II. (seba kesanê ke daraxo yewin qedênayo)
Daraxê III. (seba kesanê ke wazenê daraxê xo yê kurmancî berz bikerê)
Kesê ke wazenê beşdarê nê atolyeyan bibê, eşkenê formê muracatî pirr bikerê. Formê muracatî:
https://docs.google.com/forms/d/e/1FAIpQLSeIyyWmhmxmKvFWNoobiVeAg2BMIHZZV
NXinE9LldKzF1UYnA/viewform
Seba melumatanê zafêran û taqîbkerdişê atoleyeyanê neweyan hesabê Med-DER’î wina yê:
X (Twitter): @MEDDER2017
Instagram: @MEDDER2017
