Semedê hazirîye û detayanê şayîya Newroze ya ke 29ê adare de Frankfurt de do bêro kerdene, kombîyayîşêk ame kerdene.
Emser Newroza Ewropa ya merkezîye hûnca Frankfurt de yena kerdene. Semedê hazirîya Newroza ke 29ê adare de do bêro pîrozkerdene panc federasyonê ke pabesteyê KON-MED’î yê ameyî têhet. Kombîyayîş de detayê şayîye ameyî destgirewtene. Yeno pawitene ke Newroza emserî semedê vengdayîşê tarîxî yê Rayberê Şarê Kurd Abdullah Ocalan hîna bi coşî û xurt bêro pîrozkerdene.
Hemserekanê KON-MEDî vat: ”29ê adare de bi şîarê ‘Azadîya Rayber Apoyî azadîya ma ya’ Frankfurt de Newroze do bêro pîrozkerdene. Ma Newroza pêro şarê xo pîroz kenê û veng danê kurdan û dostanê xo ke wa tewrê roşanê ma yê neteweyî Newroze bibê.”
