Hûmara 15. a Rojnameyê Azadîya Welatî bi manşetê “Raywanîya Heqîqetî” vejîya vernîya wendekaranê xo.
Rojnameyê Azadîya Welatî hûmara 15. de bi kirmanckî manşetê “Raywanîya Heqîqetî” eşt û bale ante serê tradîsyonê Rojnameyê Kurdîstanî ke 22ê nîsane 1898î de dest bi weşangerî kerdbî. Rojnameyî bi kirmanckî seba muhîmî, mana, tradîsyonê çapemenîya azade û têkoşînê heqîqetî bi Hemserekê DFG’î Selman Çîçek reyde roportaj kerd.
Serê rojevê Kurdistanî de meqaleyî bale ancenê
Rojnameyî rîpelê Cinî de bi sernameyê “Jinelojî û perwerde” ca dayo meqaleyê Mulkîye Bîrtane. Rojnameyî reyna bi sernameyê “Têkoşînê komelê polîtîk û exlaqî” ca da meqaleyê Felemez Ulug û bale ante muhîmîya têkoşînê komelî ya vera şerê taybetî, tiryak, fuhuş û hêrişê vera estbîyayîşê komelî. Rojnameyî rîpelê kulturî de zî bi sernameyê “Di yekîtiya neteweyî de rista çanda kurdî” ca dayo meqaleyê Mehmet Şahîn û bale anceno serê muhîmîya kulturî ya seba yewîye.
