BAC eşkera kerd ke rojnamegero beluc Muhammed Usman Khan Ketta demo ke xebere taqîb kerdêne, ameyo destbendkerdene û dima ci ra agahî nêameya girewtene.
Eyaletê Belucîstanî yê Pakistanî de 21 adare ra nat şarê belucî rê hêriş yeno kerdene. Demê hêrişan zaf kesî ameyê destbendkerdene. Tewr kêm 10 kesî zî cuya xo vîndî kerda û 100 kesî zî birîndar bîyê.
Polîsê hukmatî lajê mi remna
Kampanyaya Aktîvîstî yê Belucî (BAC) hesabê xo yê medyaya sosyalî de beyanat da û eşkera kerd ke rojnmagero beluc Muhammed Usman Khan ameyo destbendkerdene û ci ra xebere nîna girewtene. Pîyê rojnameger Muhammed Usmanî zî vato ke lajê ey hetê polîsanê hukmatî ra ameyo remnayene.
Reyna ame vatiş ke Muhammed Usman Khan verî zî çend reyî ameyo destbendkerdene û ci rê îşkence ameyo kerdene. Welatijan nêrazîbîyayîşê xo nîşan da û medyaya sosyalî ser o dest bi kampanyaya “#ReleaseUsmanKhan” kerde.
