Hemşaredara Şaredarîya Amedî ya Şaristanê Girdî Serra Bucak, Balyoza Fransa ya Anqara Isabelle Dumont kerd meyman.
Balyoza Fransa ya Anqara Isabelle Dumont ke seba têkilîyanê cîya-cîyayan ameya Amed, û Mustêşarê Karanê Sîyasîyan yê Balyozxaneyî Kilian Vivien, Hemşaredara Şaredarîya Şaristanê Girdî Serra Bucak zîyaret kerd.
Hemşaredare Serra Bucak, badê pêşwazîkerdişî Isabelle Dumont reyde têhetameyîşêk kerd. Hemşaredare Serra Bucak ke keyf û şabîyayîşê xo yê zîyaretî ard ziwan, Isabelle Dumont reyde babetanê aktualan ser o fikrî parekerdî.
Zîyaretî de Hetkara Sekreterê Pêroyî Zerin Turk û Endama Meclîsî Gulay Kiliç, Hemşaredare Serra Bucak reyde bîy.
