Baroyê Qersî ke reaksîyon vera tayînkerdişê qeyûmî yê Şaredarîya Qaxizmanî mojna vat: “Nêbeno ke heqê weçînayîşî bi hawayêko keyfî orte ra bêro wedaritiş.”
Baroyê Qersî bi eşkerayîyêkas nuştekî vera tayînkerdişê qeyûmî reaksîyon mojna û vat: “Ganî sazgehê îdarekarîyê herêmî rasterast hetê temsîlkaranê şarî ra ke ameyê weçînitene bêrê îdarekerdiş. Labelê tayînkerdişê qeyûmî yê Şaredarîya Qaxizmanî, yeno manaya çinhesibnayîşê îradeyê şarî û binpaykerdişê erjanê demokratîk û dewleta huqûqî. Wezîfe ra girewtişê îdarekaranê weçînitoxan, tena bi qerarê mehkemeyanê xoserî eşkeno bêro kerdiş. Labelê cakerdişê qeyûmî yê welatê ma, hema prosesê hukmî temam nêbîyo, keweno merîyet.”
Baroyî, dewamê eşkerayîya xo de wina vat: “Nêbeno ke heqê weçînayîşî yê bi destûrê bingeyîn û peymanê mîyanneteweyî ameyê pawitiş bi qerarê keyfî yê îdarî orte ra bêrê wedaritiş. Sey baroyêk ke serdestîya huqûqî paweno, ma raya pêroyî ra vanê ke nê hemverê çinhesibnayîşê demokrasî û îradeyê şarî yê. Vengdayîşê ma seba heme huqûqnas, rêxistinê girseyî yê demokratîk û welatijê ke wayîrê îradeyê şarî û serdestîyê huqûqî vejîyenê, yo.”
