Mesajê Mesud Barzanî yê seba Konferansê Yewrêzî û Yewnêzdîbîyayîşê Kurdî yê Kurdistanê Rojawanî de ame vatiş ê hetkarî danî çareserîyanê aştîyane, dîplomatîk û ame dîyarkerdiş ke wa heqanê kurdan destûrê neweyî yê Sûrîye de bêrê temînatkerdiş.
Konferansê Yewrêzî û Yewnêzdîbîyayîşê Kurdî yê Rojawanî, Parka Azadîya Şaristanê Qamişlo de domyeno.
Konferans de temsîlkarê Serekê Partîya Demokratîke ya Kurdistanî (PDK) Mesud Barzanî, Hemîd Derbendî mesajê Mesud Barzanî wend.
Mesaj de viraştişê konferansî ame pîrozkerdiş û sey gamêka avzel ver bi yewîya kurdan a Sûrîye ame ercnayîş. Mesud Barzanî mesajê xo de spasîya Mazlum Ebdî kerd ke rolêko sereke yewkerdişê nêzdîbîyayîşê kurdan de kay kerdo û hêvî kerd ke konferans hêvîyê şarê kurdî bi ca bîyaro.
Mesaj de ame vatiş, qewimyayîşî ke herême de qewimyenî bîyî wesîle ke şarê kurd seba heqanê xo têkoşînî bido û wina ame domnayîş: “Ma hetkarî danî çareserîyanê aştîya û dîplomasî. Ma hêvî kenî ke şarê kurd seba heqê xo têkoşînî bido û destûr de heqanê kurdan bêrê temînatkerdiş û şarê kurd pêroyîya heqanê xo yê rewa bi dest visno. No konferans do rayîrê verê hêzanê kurdan û kurdistanî akero ke bibî yew û ercnayîşê şarê Sûrîye, Sûrîyeya newe de biko yew, no zî tesîrêko pozîtîf welatanê cîran ra biko.”
