Prosesanê vurnayişê şaristanî de teblîgato fîzîkî ame wedartine, agahdarîyî bar bîyî e-Devlete. Goreyê awukatan, tebligatê elektronîkî yê ke mîyanê 15 rojan de nêrê ferqkerdene, welatijan bi tehlukeyê vîndîkerdişê heqê îtîraz û dewa reyde rî bi rî veradenê.
Caardişê vurnayişê şaristanî de demêko newe dest pêkerd. Çarçewaya duştkerdişê ke Teşrîna Peyêne ya 2023î de bi qanûn, bînayanê ke do bikewê vurnayişî de, teblîgatê fizikî yê ke seba wayîranê keyayan ameyêne kerdene, ame qedînayene. Naye ra pey agahdarîyî do teyna serê e-Dewlete ra bi rayîrê tebligatê elektronîkî bêrê kerdene.
Labelê sîstemo newe, xusûsen seba welatijanê ke tewrê qerarê vurnayişî nêbenê yan zî mîyanê 15 rojan de agahdarîye “nêvînenê”, tehlukeyê vîndîkerdişê heqan ê cîddîyan tede est o. Keyeyê wayîranê ke mîyanê maweye de teblîgat ferq nêkerdo, peynîya 15 rojan de serê erjê rayîcî ra hetê şaredarîye ra eşkenê vejîyê rotiş. Rotiş ra ver qerar do seba 15 rojan daliqîyo û nê maweye de merdim eşkeno îtîraz biko; bi qedîyayîşê maweye zî muameleyê rotişî do bêro tatbîqkerdene.
Sîstemê teblîgatê elektronîkî, xusûsî caardişê bînayanê bi rîskan, mintiqaya rezerve û parselanê bi hîseyan de bibo sebebê mexdûrîyetî.
