Beyanatê Heyetê Îmraliyî ke do siba Stenbol de bêro dayene, do Amed û Wan de zî ekrananê girdan de bêro dayene.
Heyetê DEM Partî yê Îmraliyî siba do Hepisxaneyê Tîpê F yê Ewleyîya Berze yê Îmrali de Rayberê PKK’yî Abdullah Ocalanî reyde pêvînayîşo hîrêyin bikero. Heyet pêvînayîşî ra pey do Stenbol de saete 17:00î de beyanatê çapemenî bido. Beyanato tarixî do Amed û Wan de zî ekrananê girdan de bi hewayêko gandar bêro dayene.
Beyanatê çapemenî Amed de do Qadê Şêx Seîdî de ekranê girdî de bi hewayêko gandar bêro dayene. Yeno zanayene ke do şaristananê derûdorî ra xeylê kesî bêrê Amed. Wan de zî ekrano gird do Qadê Şaristanî de bêro ronayene. Yeno zanayene ke do bi hezaran kesî şaristananê Serhedî ra bêrê Wan.
