Şaredarîya Bismilî çarçeweya Hewteyê Astengdaran de seba astengdaran atolyeyê seramîk û afirnayîşî viraştê.
Yewîneya Xizmetanê Astengdar û Extîyaran a Şaredarîya Bismilî Parka Vedat Aydin de komxebata seramîk û afirnayîşî viraşt. Hemşaredarê Bismilî Mizgîn Ekîn û Guven Tanrikulu, endamê Meclîsî yê Şaredarî û xeylê kesî û gedeyî tewrê atolye bîyê. Atolye de muhîmîya cîyayan ser o ame vindertene û ame dîyarkerdene ke cîyayî erjîyaye yê û cuye kenê rindeke.
Berardişo hempar, parekerdiş û paştîdayene
Xebatkaranê Yewîneya Xizmetanê Astengdar û Extîyaran atolye de qisey kerd û vat: “Atolyee de hêzê yewbîyayîl û başkerdişê hunerî yeno amanckerdene. Waştiş o yo ke ma bale biancê muhîmîya berardişo hempar, parekerdiş û paştîdayîşî ser o. Ma pê bawer ê ke wexto ma berpirsîyarîya hempare bi ca bîyarê, ma do bieşkê kesanê astengdaran bi hawayêko şênber, çalak û têduşt tewrê cuya komelkî bikerê. Bi çalakîyanê cîyayan bi taybetî atolyeya seramîkî reyde beşdarî do hem wextêko weş derbas bikerê û hem zî do keyfweşîya berardişî pare bikerê.”
