Amed – Akademîya Ma Musîcî mohrê xo binê xebatêka bîn a muzîkê Kurdî da û kitabê “Repertuarê Deyrbazîye’ çap kerd. 50 deyrê doman û 60 deyrê verînî, kodê QR û notayê deyrîye kitabî de ca gênê. Şêrko Kanîwar vat ke her kes eşkeno sûdê kitabî ra bigêro
Akademîya Ma Musîcî mohrê xo binê xebatêka bîn a muzîkê Kurdî da û kitabê “Repertuarê Deyrbazîye’ çap kerd. 50 deyrê doman û 60 deyrê verînî, kodê QR û notayê deyrîye kitabî de ca gênê. Şêrko Kanîwar vat ke her kes eşkeno sûdê kitabî ra bigêrê. Akademîya Ma Musîcî seba perwerdeyîyê deyrîye yê Kurdî “Repertuarê Deyrbazîye’ çap kerd û mohrê xo binê xebatêka erjîya û dewlemendî yê muzîka Kurdî da. Kitab hetê Weşanê MAyî vejîya. Kitab hetê xebatkarê Ma Musîcî ameyo hadrekerdiş û edîtorîya ey Ramin Rabiei kerdo û hunermend Şêrko Kanîwar zî Dêrhênerîya Weşanî kerdo.
Çekûyê deyrî, Koqa QR û notaya deyrî
Zafêr hunermend û deyrbazan zî hetkarîya hadrekerdişê kitabî kerdê. Yew bi yew spasîya înan ameyo kerdiş. Kitab 232 rîpelê ra pê yeno. Çekûyê deyrî û notaya deyrî rîpelê miqabîlê pîya de ameyo nuştiş. Xusîsîya nê kitabî ango deyrê ameyê nuştiş ê ke QR Kodu ango Koda QR ameyo ronayiş. Goşdarîyêk deyrî demê QRyî biwano raşt bi raşt You Tubeyî de şono goştaritiş û seyrkerdişê deyrî.
Verdewamîya kitabî bêro hadrekerdiş
Vervatişê kitabî de zî ameyo vatiş: Kitab di beşan pê yeno. Yew deyrê domanan ê ya bîn zî deyrê gelêrîye yê. No kitab tena nê seba domanan ameyo hadrekerdiş, her kesê bi deyran û muzîkî ra mijûlî benê, eşkenê sûd kitabî ra bigê.
Akademîya Ma Musîcî hewla dayo ke zaravayê Kurdî û mintaqayê tewir bi tewir ê Kurdistanî deyran biweçînê. Her wina akademî vano: Bêşik xelekê verdewamîya nê kitabî de repertuar hera bibo. Vervatişî de no zî ameyo destnîşankerdiş; “Ma zanenê ke no tena kitabêk o, hîşê ma yê kultirî ra silamêk o…”
Kitab standî de benda heskerdişê muzîkê Kurdî yo
Kitab verîya 8êmîn Fuarê Kitaban a Amedî bi çend rojan vejîya û nika ser standê Weşanê MA yê Musîcî a fuarî de benda wendox û heskerdişê muzîkê Kurdî yo.
Koordînatorê Akademîya Ma Musîcî Şêrko Kanîwar derheqê kitabî de ajansê ma rê qise kerd.
Şêrko Kanîwar ard vîr ke verê nê kitabî demê ê Konservaturê Aram Tîgranî de bîyê, kitabê bi nameyê “Deyrbazî û kultirê deyrbazî” çap kerdîbî û seba dersê ango perwerdîyê domanan ê deyrbazî nê demê hadre kerdîbî. Şêrko Kanîwar ard ziwan ke peynîya qeyûman, Ma Musîc awa kerdê û heme xebatê înan kewtê bîn banê MAyî.
Kanîwar: Armanc xurtkerdişê hîşê deyrî yê Kurdî yê
Şêrko Kanîwar destnîşan kerd ke lazimî pê estbî ke kitab bêro revîzekerdiş û vat: “Ma nameyê ey bedilna. Ma hemnanî ra nika deyr û notayê înan seba kitabî hadre kerd. Raya bîn ma kitabê kategorîzeyî nêkerdbî la ma na raye kitabê kategorîzeyî kerd. Beşêk bi xususî deyrê seba domanan ame hadrekerdiş. Beşêk bîn zî deyrê gelêrîye yê. 50 deyrê domanan ê, 60 deyrê gelêrî yê. Bi pêroyî 110 deyrê zereyî de estê. Raşt bi raşt seba perwerdeyîyê domanan eşkeno sûd ey ra bigê. Çi heyfo ke helbet nê tena domanan o. Seba heme perwerdekarê muzîkê Kurdî yo. Her deyr hetê rîpelê çekû yê ey û çimeyanê ey esto, hetê bînê ripelî zî notaya deyrî esto. Bînê deyrî de zî QR Kodu esto, seba ke no kitab kesê muzîkjen, kelmeljan ra bibo referans. Kitabê ma karê ma rehet kerdo. Armancê nê kitabî û kodê QRyî xurtkerdişê hîşî yê deyrbazîye û deyrê Kurdî yê.”
Kitab bi zaravayan xemîlî yo
Şêrko Kanîwar da zanayiş ke kitabî de bi zaravayê Kurmancî, Kirmanckî/Zazakî, Soran deyr estê û deyrêk lorî ya domanan têdeyî de estê û vat ke tena 24 deyrê Kirmanckî yê domanan kitabî de estê. Kanîwar destnîşan kerd ke 7ê kanûne de saet şeşan de Salonê Firatî yê Fuarî de lansmanê kitabî bêro kerdiş.
