Avûkate Destîna Yildiz ard ziwan ke binpakerdişê heqan ê vera tepitşeyan bi zêdîyayîşî dewam kenê û vat: “Bi astengkerdişê heqê weşîye, cezayê dîsîplînî, sereştiş, cigêrayîş, destseronayîşê kitab û rojnameyan şertê cuye yê tepişteyan yeno giran kerdene.”
Avûkate Destîna Yildiz ard ziwana ke Zîndanê Tîpê F’yî yê Tekîrdagî de vera tepişteyanê sîyasîyan binpaykerdişê heqan zêdîyayî û vat: “Bitaybetî aşmanê peyênan de bi astengkerdişê heqê weşîye, cezayê dîsîplînî yê keyfî, sereştiş, cigêrayîş de vilakerdişê çî-mîyî, destserronayîşê kitab û rojnameyan şertê cuye yê tepişteyan yeno giran kerdene. Bi nê hêrişan yeno waştene ke îradeyê tepişteyan bêro şiknayene.”
Goreyê xebera ANF’î Yildiz ard îfade kerd ke heqê veradayîşê bişertî hetê Heyetê Îdare û Çimdarî ra bi hewayêkê keyfî yenê peydeeştene û vat: “No bitaybetî sey metodê zextî vera tepişteyanê polîtîkan yeno kerdene. Erjnayîşanê ‘halo holî’ de babatenê sey wendişê kitaban, tewrbîyayîşê aktîvîteyan raştîyî yenê bedilnayene û vera tepişteyan yenê xulunayne.”
Yildiz vist vîrî ke binpaykerdişê heqê weşîye zî zaf zêdîyayî û vat: “Sewqkerdişê nêweşxaneyî erê yenê kerdene, muayeneyo bikelemçeyî dewam keno, tedawîyî bi aşman yenê peydeeştene û tepişteyê nêweşî binê rîskî de yê.”
Yildiz ard ziwan ke krîzê ekonomîkî zîndanan de hîna xorî yeno ciwîyayene û vat: “Fîyatê kantînî zaf vaye yê, werd qîm nêkeno û bêweşîye yo. Tepişteyê ke hewcedarîya înan a dîyetê taybetî est a, waştişê ci nînê caardene. Reyna spor, yewbînan de qiseykerdiş, kurs û falîyetê kulturî bi hewayêkê keyfî yenê astengkerdene. Kitab, rojname û kovarê zazakî seba ke persenolo ke biaçarno çîn o, nêdîyenê tepişeyan û kurmancî zî zaf erey yenê dayenê.”
Yildiz veng da ke wa tecrîd û binpaykerdişê heqan bêrê qedînayene, bitaybetî tepişteyê nêweşî û kesê ke wextê tehlîyeya ci ameya wa cade serbest bêrê veradayene.
