Huseyîn Rêber Turk, birazayê sîyasetmedarê kurdî Ahmet Turkî, Mersîn de ame kiştene.
Goreyê xebera Ajansa MA, Huseyîn Rêber Turk hêrişê çekdarî de ame kiştene.
Huseyîn Rêber Turk (29) vizêr qezaya Akdenîzî ya Mersînî de çarrayîrê Kopruluyî ya taxa Karaduvarî de rastê hêrişê çekdarî ame.
Hêrişî de Huseyîn Rêber Turk kişîya û yew kes zî birîndar bi.
Tedawîya keso ke hêriş de birîndar bîyo dewam kena.
Nasnameyê hêrişkaran nêame zanayîş.
Cenazeyê Huseyîn Rêber Turkî do Mêrdîn de bêro wedaritene.
