Sekreterê Pêroyî yê BM’yî Antonîo Guterresî dîyar kerd ke ê qeraranê PKK’yî bi keyfweşî pêşwazî kenê û îfade kerd ke ê amade yî ke hetkarîya prosesî bikerê.
PKK’yî qerarê kongreya xo ya 12. vizêrî eşkera kerdê. Sekreterê Pêroyî yê Neteweyanê Yewbîyayeyan (BM) Antonîo Guterresî qerarê kongreyî erjnayî.
Verfek Stephane Dujarrîco ke herinda Guterresî de eşkerayî daye dîyar kerd ke ê qerarê çekronayîşî bi keyfweşî pêşwazî kenê û wina vat: “No qerar eke bêro caardeene, pirodayîşo ke demêko derg o dewam keno, bi rayîranê aştîyane çareserkerdişê nê pirodayîşî temsîl keno. BM seba ke hetkarî û asankerdişê heme tewir gamanê aştî bikero, amade yo.”
