Bocholt de Koroyê Domanan ê Kurdan warê entegrasyonê kulturî de Xelata Entegrasyonî ya Şaredarîya Bocholtî girewte. Domanan sehne de bi performansê xo rengînîya kulturî ya şaristanî mojna ra.
Şaristanê Bocholtî yê Almanya de Koroyê Domanan ê Kurdan xebatanê entegrasyonê kulturî ra Xelata Entegrasyonî ya Şaredarîya Bocholtî girwte.
Domanî wextê merasîmî de vejîyayî sehne û bi performansê muzîkî rengînîya kulturî ya şaristanî mojna ra. Şefanê koroyî Selda Koldamca û Hêlîne Çelîk seba ke bi serran o zerrîwaz kede dana ameyî teqdîrkerdene.
Ame vatene ke domanî koro de hem ziwan û kulturê kurdan musenê hem zî mabênê kulturanê cîya cîyayan paştdayîş musenî. Komele şaredarîya ke paştî daye xelate û selahîyedaranê konseya entegrasyonî rê spas ame kerdene.
