Komîteyê Pawitişê Rojnamgeran (CPJ) derheqê hêrişanê Îsraîlî yê vera Xeza de eşkerayî daye û dîyar kerd ke encamê hêrişanê Îsraîlî yê Xeza ser o de heta nika 192 rojnamegerî ameyê kiştene.
Hêrişê Îsraîlî yê Xeza ser o dewam kenê. Goreyê daneyanê Komîteyê Pawitişê rojnamegeran (CPJ), 7ê teşrîna verêne ya 2023î ra heta nika yanî destpêkê herîşanê Îsraîlî ra nat tewr kêm 192 rojnamegeran cuya xo vîndî kerda. Înan ra 178 rojnamegerê Fîlistînî bîyê ke hêrişanê Îsraîlî de ameyê kiştene. 10ê tebaxa 2025î de panc rojnamegerê bînî, muxabîro namdar ê El Cezîre Enes Şerîfî reyde hêrişêkê kona rojnamegeran a nêzdîyê Nêweşxaneyê Şîfa şaristanê Xeza de ameyê kiştene. CPJ û rêxistinê rojnamgeran ê mîyanneteweyî teqez kenê ke Xeza de hedefgirewtişêko sîstematîk vera endamanê çapemenî ganî sey sucêkê şerî bêro hesibnayene. Neteweyê Yewbîyayeyî û UNESCO waştişê cipersayîşê xoser û şefaf kenê.
