Cenazeya Dayîka Aştîye Sakîne Arat bi serran o mîyanê têkoşînê şarê kurdî de ca girewte û vizêr şan de dinyaya xo bedelnaye, do siba saete 10:00 de Goristanê Yenîkoyî de bêro definkerdiş.
Dayîka Aştîye Sakîne Arat ke bi serran o refanê tewr verên de têkoşînê şarê kurdî de ca gêna, vizêr şan de nêweşxaneyê ke Amed de ameyîne dermankerdiş, dinyaya xo bedelnaye. Eşnawitişê xebere dir Meclîsê Dayîkê Aştîye yê Amedî, Rêxistina Partîya Têduştî û Demokrasî (DEM Partî), Rêxistina Herêmanê Demokratîke (DBP) ya Amedî û xeylêk kesî verê nêweşxane de kom bîyî. Girseyê tîya sersaxî keyeyî rê waşt.
Aye berdî Goristanê Yenîkoyî
Cenazeya Sakîne Arat badê morgê nêweşxaneyî ameye girewtiş û bi konvoyêk berdî Goristanê Yenîkoyî yê qezaya Rezanî. Cenazeya Sakîne Arat do morgê Goristanê Yenîkoyî bêro girewtiş û goreyê wesiyetê aye siba saete 10.00ine de uca bêro definkerdiş.
Badê definkerdişî do keyeyê sersaxîyî yê Odabaşi Balî de sersaxî bêro qebûlkerdiş.
