Mamostayê Çapemenîya Azade rojnameger û nuştox Huseyîn Aykol bi hetê şagirt, hemrê û heskerdoxanê xo Goristana Karşiyaka de ame definkerdene.
Mamostayê Çapemenîya Azade Huseyîn Aykol o ke 14ê Citmeha 2025îne de keyeyê xo yê Anqarayî de gonî şîbî serê mêjoyê ey û a roje ra heta nika nêweşxaneye de amêne tedavîkerdene şewa serê serre cuya xo dest dê. Ewro seba oxirkerdena Huseyîn Aykolî heyata Yılmaz Guney a qezaya Çankayayî de merasîmê ame viraştene. Dima Merasimê vîrardene ra Goristana qezaya Yenîmahalle de nimajê cenaze ame kerdene. Keyeyî û xewatkaranê Çapemenîya Azade, Komeleya Rojnamegeran a Dîcle Firate (DFG), Komeleya Rojnamegeran Cinî yê Mezopotamyayê (MKG) heval û hezkerdoxanê Aykol, Hemserekê Partîya Têduştî û Demokrasî yê Şaran (DEM Partî) Tuncer Bakirhan û endam û rayraberê sazîyanê sivîl û partîyanê siyasîyan û sedan kesan merasim û definkerdene ca girewt.
Huseyîn Aykolî koçkerdena xo ya pêyêne serê hermanê hevalanê xo de hetanu hetê mezele ramite û dima zî ame wedartene.
Wela Kobanê serê mezela ey de amê rişnayene
Wela ke şaristanê Kobanê ra amebî ardene a wele şanite mezela Huseyîn Aykolî ra. Heto bîn ra zî resmê Huseyîn Aykolî û rojnameya Yenî Yaşame û qerenfîlî serê mezele de ameyî ronayene.
‘Ma mîrasê ey ra wayîr vejînîme’
Wedartena cenazeyî ra dima Hemserekê DFG Selman Çîçekî qisey kerd va Huseyîn Aykol terba karwanê nemiran ê Çapemenîya Azade bî. Ma sey şagirtanê ey her tim têkoşîna ey a heqîqete bidomnim û mîrasê înan ra wayîr vejîme.
Merasimê cenazeyî de siloganê, “Şehîd namirin” û “Bijî şoreş û sosyalîzm” ameyî eştene. Ronayena qerenfîlan ra dima girse derbazê cayê şînî yo ke Şubeya ÎHD’yî ya Anqarayî bîy. Şîn hîrê rojî îtade dewam keno.
