Çeteyê girêdayê Hukmatê Demkî yê Sûrîye verê peyde ancîyayîşê dewanê Kobanî, keyeyê Berkelî ra 3 kesî remnayî.
Goreyê agahîyanê Ajansê Xeberan ê Haware (ANHA) çimeyanê herême ra ameyê girewtene 4ê Adare nêzdîyê saete 17.00’an de 3 kesî dewa Cexerî ya ke başûrê rojhelatê Kobanê ya başûrê raya M4î re ameyê remnayene. Nameyê kesanê ke ameyê remnayene Îsamîl Mihemed Hec Berkel (55), Selman Mistefa Hec Berkel (45) û Salih Mihemed Hec Berkel (38) ê. Çimeyan vat komêka xo sey hêzanê ewlehîye nîşan dana nê hîrê kesî berdî cayêko nêno zanitene û heta nika yeq xebere nêyama girewtene.
Wengdayîşê wayîrtîye
Keyeyanê kesanê ke ameyê remnayene venga hetanê têkildaran kerd û va berpirsyarîya xo bîyarê ca. Keyeyan venga sazîyanê medya û hûquqî zî kerd va seba kesê ke ameyê remnayene bikewê mîyanê liv û gêrayîşî.
Ancîyayîş ra ver talan
Hêzê Sûrîyeya Demokratîk (HSD) çarçoveya caardena peymana 29ê Çileyî de, 2yê Adare de derûdorê şaristanê Kobanî de ancîyabî waregehanê xo. 5ê Adare de zî komê Hukmatê Demkî yê Sûrîye zî ancîyabî. Hîna ke nê komî nêancîyabî 74 dewê Kobanî talan kerdbî.
