KNK merkezê xo yê Qamişlo de partîyanê kurd ê Rojava reyde kombîyayîşêk kerd. Kombîyayîşî de peymana mabênê HSD û hukmatê demkî yê Şamî ameye wendene û muhîmîya yewîya kurdan yena munaqeşekerdene. Kombîyayîş çapemenî rê girewte dewam keno.
Vizêr heyetê Kongreya Neteweyî ya Kurdîstanî (KNK) seba piştgirîya xoverdayîşê Rojava û yewîya kurdan ame Rojava. Heyet Hemserekê KNK’yî Ahmet Karamus, endamê rayber ê KNK’yî Şêrko Heme Emîn, Dr. Hekîm Kerîm, Perwîn Ezîz û endama kongreyî Mecda Ebas ra yeno pê.
Ewro KNK’yî merkezê xo yê şaristanê Qamişlo yê Rojavayê Kurdîstanî de kombîyayîşêk partîyanê kurd ê Rojava reyde organîze kerd.
Kombîyayîş hetê Sekereterê Pêroyî yê Partîya Çep a Demokrat a Kurd Sûrîye Salih Gedo û endamê Konseya Rayber a KNK’yî Ekrem Hiso ra yena rayraberdene.
Kombîyayîşî de peymana mabênê HSD û hukmatê demkî yê Şamî de ameye wendene û nê prosesî de muhîmîya yewîya şarê kurdî û rewşa peyêne ameye munaqeşekerdene.
Dimayê wendişê metnê peymane kombîyayîş çapemenîrê griewte dewam keno.
Do KNK dimayê kombîyayîşî ENKS’yî reyde kombîyayîşêk bikero.
