Çeteyê girêdayeyê Hukmatê Demkî yê Şamî ke Tirkîya hetkarîya înan kena, hêrişî Neweşxaneyê Şehîd Xalid Fecirî kenê.
Çeteyê Hukmatê Demkî yê ke Tirkîya hetkarîya înan kena, hêrişanê xo taxa Şêxmeqsûdî ser o dewam kenê. Hêzê Ewlekarîyê Zereyî cewab danê hêrişan. Ame dîyarkerdene ke hêrişê serê nêweşxaneyî domyenê û dorê 70î birîndaran nêweşxane de yenê dermankerdene bi komkiştene ra rî bi rî yê.
Çeteyî wazenê xoverdayîş û îradeyê şarî bişkinê, rastê xoverdayîşê şarî ameyê. Vizêrî nîmeroj ra pey, raşt bi raşt Nêweşxaneyê Şehîd Xalid Fecirî hedef gênê. Grubê çeteyan bi hêrişanê nêweşxanî wazenê cinî, gedeyî û birîndaran komkiştene ra derbas bikerê.
Hêrişanê vizêrî yê serê nêweşxaneyî de 3 xebatkarê nêweşxaneyî yê bi nameyê Ednan Arîf Osman, Elî Henîf Osman û Oraya Ebdulhenan Horo cuya xo vîndî kerde.
