Hemsereka Pêroyî ya DBP’yî Çîgdem Kiliçgun Uçar hesabanê xo yê medya dîjîtale ser o bi mesajêk roşanê Gaxanî yê şaran pîroz kerd û bi rayîrê mesajê xo şaranê Kurdîstan û heme dinya rê weşîye û rindîye waşt û serrnewe de hêvîya xo ya wayîrêne ya seba prosesê ‘Aştî û Komelê Demokratîkî’ îfade kerd.
Mesajê Hemsereka Pêroyî ya Partîya Herêman a Demokratîke Çîgdem Kiliçgun Uçarî wina yo:
“Gaxanê sarê kirmancî bimbarek bo. Kal Gaxan de sere ganê caye xo verdano sere newê ra. Sere newê Kurdîstan û pêro dinya rê weşîye, rindîye û azadîye bîyaro. Sarê ma deq û dolaban ra bixelesno. Haştî û Komelê Demokratîk ra wayîrîyen bikero.”
