Aktîvîsta TJA’yî Rojbîn Bor, dîyar kerd ke hemverê şîdetê camêrdî komelo demokratîk alternatîf o û va: “Qetilkerdişê cinîyan de gumanbar nînê cezakerdiş. Hemverê nê komelê demokratîkî raste rast cinî rê xizmet keno. Ganî cinî îhtîmalê tewr qij ê aştîye ko bikerê.”
Şîdetê cinîyan ser o roj bi roje dewam keno û têkoşînê cinîyan hemverê şîdetî û caardişê îqtîdarî dewam kenê. Şîdetê camêrdî ke sey problemo tewr pîl vernîya ma de yo, bi awankerdişê komelê demokratîkî mumkin o.
Aktîvîsta Têgêrayîşê Cinîyanê Azadan (TJA) Rojbîn Bor derheqê babete de qisey kerd û dîyar kerd ke semedê aştî ganî cinî hemverê şîdetî vatişê xo vajê.
‘Cinî nê prosesî de do vatişê xo vajê’
Rojbîn Bor jinnewsî rê dîyar kerd ke Rayberê Şarê Kurdî Abdullah Ocalan sey mîmarê prosesê fikrê komelê demokratîkî pêşnîyaz kerdo û va: “Sey komel çîyê ke bi serran o ameyo ciwîyayîş, tarîxêk travmatîk bî. Na nokta de êdî no tarîx açarya noktayêk bîn. Ganî komel zî refleksêk vejo werte. No çi yo? Eke çekî bêveng bî o wext pêrodayîşî zî peynî bê. Do êdî kes tutanê xo vînî nêkero. No pêro komel hewêneno. Nîmeyê komelî zî cinî yê. Êdî do cinî binê serdestî de û nê prosesî de zî vatişê xo vajê.”
‘Komelo demokratîk ganî bibo alternatîf’
Rojbîn Bor, dewam de va: “Ma qalê komelê demokrtîkî û prosesî kenê. Şer hêzê parekerdişî yê serdestan o. Camêrdî serdest ê, qerar ê danê. Nê semedî ra zî mantiqê ‘mîyanê sînoranê xo de bimane, do camêrdî to bikişê’ vejenê werte. Dewleta camêrd şîdet sey çareserî vînena. Sûcê hemverê cinîyan de camêrdî nînê cezakerdiş. Ma her tim va, komelo demokratîk cinîyan rê xizmet keno. Ma zanê ke netîceya xizmetêk wina de cinî zî bêalternatîf nêmanenê. Aştî do raste rast tesîr cuya cinîyan rê bikero. Bedelê tewr pîl ê şerî cinî ciwîyenê. Eke aştî pê bêro do cinî raste rast bi tesîr bibê.”
Rojbîn Bor tewr peyîn va, cezayê ke semedê şikdarê cinîyan yenê dayîş ganî bi tesîr bê û wina va: “Ganî raste rast cezayê giranî bêrê birnayîş. Ganî cinî û sazgehê cinîyan prosesî de raste rast ca bigîrê. Ganî cinî kerdoxîya xo vejê vernî.”
