Çalakîkera heqê cinîyan Suheyla Mutaî bi sebebê tewrê grevê pêroyî bîya, hetê hêzê rejîmê Îranî ra ameye destbendkerdiş.
Goreyê xebera Kolbernewsî, vizêrî hêzê rejîmê Îranî bajarê Dêwlanî yê bajarê Sine ser o, bi sebebê ke çalakîkera heqê cinîyan Suheyla Mutaî tewrê grevê pêroyî bîya, destbend kerdî.
Ercê vîrardişî yo ke vizêrî (22 çele) Kurdistanê Rojhelatî de hemverê tesdîqkerdişê cezaya dardekerdişî ya tepişteya sîyasî ya kurde Werîşe Muradî û Pexşan Ezîzî grevê pêroyî ame kerdiş. Temamê bazar, dikan û cayê pêroyî padeye mendî.
