Enîta Lame ya 11 serrê ke Kurdistanê Başûrî de cuyena û 5 serrê zî karê deştena cilûbergan kena û zafêr avzelî dana bi deştişê cilûbergê kurdî, waştiş cinîyê kurd ra kena ke bi xo bibê wayîrê aborîyêka serbixo.
Enîta Lame ya emrê 29 serra ke şarê Nepalmî ya û 11 serrê ke Kurdistanê Başûrî de cuyena. Enîta Lame Silêmanî de karê deştişê cilûbergan kena.
Enîta Lame seba karê xo ard ziwan ke serra 2013î ra nika Silêmanîye de cuyena û wina va: “Peynî ke serra 2019î zewijyeya, hetê ciwanêkê kurd de bonderê deştişê cilûbergê kurdî bîya û hetê hemcuyê xo (merdeyê xo) zî dikanêk ronaya. Nê 5 serrê ke Silêmanî de karê deştene û rotene kena. Avzelî dana deştena cilûbergê kurdî û hînduye. Birnayiş û riştişê cilûbergê kurdî yê cilûbergê hinduyî ra hîna asan o seba ci, no ser zî muhîmîyêko hîna zafêr dana cilê kurdî.”
Nêdayişê maaşî bandor keno
Enîta Lame dîyar kerd ke demê qerarê zewajî daya, Hîtler naskerda û dima zî qerar dayê ke pîya bizewîjê û ard ziwan ke şarê Kurdistanî hetkarîya cinîyan kenê, seba ke ê kar bikê û wina va: “Bandorê kulturê kurdî ser mi est o. Cîyayêka zaf mabenê kulturê kurdî û nepalî de çîn a. Zaf kêfweşa ke Kurdistanê Başûrî de cuyena. Çi heyfo ke seba nêdayişê maaşî bandorê bazar û karê ma zî keno.”
Xobixo, karê xo bikê
Lame waştiş cinîyê kurd ra kerd ke wa bibê wayîrê aborîyêka serbixo û wina domna: “Derfet û îmkanê karî wa seba xo bidê awankerdiş û feydekarîya xo zêdetir bikê.”
Lame qalê cilûbergê hîndu zî kerd û wina qedîna: “Qumaşê seba cilûbergê hîndu, a Hindistanî ra anena, ercîyaya ci zî zaf erjena. Destêkê cilê kurdî peynîya 4 saetan qedînena. Nê kesê serdanê dikanê a kenê, zafêr waştişê cilûbergê kurdî kenê. Armancê mi, o bike ez biba wayîrê karê xo.”
