Hemsereka Partîya Herêmanê Demokratîke (DBP) Çîgdem Kiliçgun Uçar hemverê qeyûmêko tayînê Şaredarîya Sêrtî bi, reaksîyonê xo nîşan da.
Çîgdem Kiliçgun Uçar reaksîyonê xo yê hemverê qeyûmî de wina vat: “Rejîmê dîkta do ma qerardarîya xo ya awankerdişê ameyoxê demokratîk, azad û têduştî ra nêdo fekveradayene.”
‘Şarê Kurdîstanî heta ke bireso serkewtiş do teslîm nêbo’
Çîgdem Kiliçgun Uçar wina dewam kerd: “Îqtîdarê AKPyî Sêrt de reftarê xo yo derbeker domna û îradeyê şarî xesp kerd. Bi sucanê pûçan Hemşaredara ma rê ceza dîyaye û kemerê rayîro ke şino ver bi derbe ameyî rakerdene. Talankeran yewna demokrasî girewt binê ninganê xo.
Na hişmendîya xespker û talankere vera şarê Sêrtî 3 reyî vîndî kerd û a do reyna vîndî bikero. Na zorbazîye ewro yan siba do nê erdan ra bêro esteritene. Şarê Kurdîstanî heta ke bireso serkewtiş, do xespkeran rê teslîm nêbo û wayîrê îradeyê xo bivejîyo.
Rejîmê dîkta do ma qerardarîya xo ya awankerdişê ameyoxê demokratîk, azad û têduştî ra nêdo fekveradayene. Ma do vera hêzanê derbekeran cepheyê têkoşînê xo yê hemparî hîra bikerê û xoverdayîşê xo hîna zêde pîl bikerê.”
