Reaksîyonanê şarî yê vera daristananê herêma Besta cerdevanî nika zî şewe daran birnenê û bi hewayêko nimite daran herême ra vejenê.
Herêma Besta ke kewena mabênê şaristananê Şirnex û Sêrtî bi serran o binê kontrolê leşkeran de bi destê cerdevanan, şaristanokê Sêgirkê yê qezaya Qilebanî û dewê Hosyan ê qezaya Berwarî de daristanî yenê birnayene. Vera birnayîşê daran her çend şar û sazgehê ekolojî reaksîyon nîşan bidê zî cerdevanê ke hêzê xo Walîtîyê Şirnex û Sêrtî ra gênê, talanî domnenê. Vîdeoyanê de ke ameyê destê ajansê ma, yeno vînayene ke cerdevan bi şewe talanê daristanî kenê.
Şewe êziman bar kenê û benê Sêrtî
Goreyê agahîyanê ke çimeyanê herême ra ameyê girewtene û vîdeoyî ke ajansê ma girewtê, cerdevanê dewa Hosyan hetê Sêrtî ra kewenê Herêma Besta û daristanan birnenê. Cerdevanî êdî şewe daran birnenê, TIR’an reyde bar kenê û bi hewayêko nimite,
Cerdevanê ke talanî kenê ney ra ver zî dewijî tehdît kerdê
Erejeno merdim vajo ke cerdevanê bi nameyê Medenî Bîlen û Mehmet Bîlenî ke dewa Hosyan ra yê û daristanan birnenê, ney ra ver dewijê dewa Omyanis ê mîyanê Herêma Besta de gêraybî û dewijî tehdît kerdbî.
