Dayîkê Aştî yê Serhedî bi sloganê “Biciwîyo xoverdayîşê Rojava” ver bi Anqara kewtê rayîr.
Dayîkê Aştî yê herêma Serhedî ke Dayîkanê Aştî yê Gever, Wan û Erdîşî ra yenê pê, seba hêrişanê vera taxanê Şêxmeqsûd û Eşrefîye yê Helebî protesto bikerê, Wan ra ver bi Anqara kewtê rayîr. Dayîkî vernîya awanîya DEM Partî ya Wanî kom bîyê û heta parka Aştî ya Musa Anterî rayîrşîyayîş viraşt. Girseyo ke rayber û temsîlkaranê partîyanê sîyasî û endamanê sazgehanê komelî yê demokratîkî ra ame pê, dayîkî bi slogananê “Bicîwîyo xoverdayîşê Rojava” û “Biciwîyo Serek Apo” oxir kerdî. Dayîkî bîyê esparê otobusan û ver bi Anqara kewtê rayîr.
Qezaya Tetwanî ya Bêdlîsî de zî do dayîkî tewrê karwanî bibê û verê xo bidê Anqara.
