Dayîkê Aştî yê ke vera herişanê taxanê Şêxmeqsûd û Eşrefîye yê Helebî ser o şîyê Anqara, vernîya Wezaretê Karanê Teberî yê Tirkîya de sloganê, “Bijî Bijî berxwedana Rojava” vera hêrişan reaksîyon mojna.
Dayîkê Aştî vera hêrişanê grûbanê çete yê girêdayeyê HTŞ û Tirkîya yê taxanê Şêxmeqsûd û Eşrefîye yê Helebî ser o şaristananê vakurê Kurdîstan û Tirkîya ra vizêr ver bi Anqara kewtbî rayîr. Dayîkê Aştî vernîya Wezaretê Karanê Teberî yê qezaya Çankaya ya Anqara ameyê têhet. Dayîkê Aştî tîya de pankartê ke ser o , “Em dayik rê nadin şer” nuseno girewt û dovîzê, “Rojava rûmeta me ye”, “Em şer naxwazin” û “Bijî berxwedana Rojhilat” vatê.
