DBP’yî hesabê xo yê Xî de derheqê Qirkerdişê Enfalî yê nîsana 1988î de beyanatêk da û heme cangorîyî yad kerdê. “Enfal têna qirkerdişêk nêbî, serê estbîyayîş û nasnameyê şarê kurdî de netîceyanê polîtîkayanê înkar û îmhayî ra yew bî.”
Beyanatê DBP’yî wina yo:
Rixmo ke qirkerdişê Enfalî ra pey xeylêk serrî derbas bîyî, dejê zerrîya ma hema zî derbas nêbî. Ma bi rêzdarîye kesanê ke qirkerdişê hovaneyî de cuya xo vîndî kerde anê xo vîrî. Vîrameyîşê înan hertim têkoşînê ma rê benê roştîye. Bêguman Enfal têna qirkerdişêk nêbî, serê estbîyayîş û nasnameyê şarê kurdî de netîceyanê polîtîkayanê înkar û îmhayî ra yew bî. Sey Helebçe armancê nê qirkerdişî şikitişê îradeyê şarê kurdî, erdê ci ra dûrkerdiş û çinkerdişê mêrasê ey ê kulturî bî.
Bi nê armancî şexsê Enfalî de vera kurdan qetlîyamêko newî qewimîya. Labelê şarê ma verê zordarîye de vileyê xo çewt nêkerd û rixmê qetlîyamî bi ruhê xoverdayîşî raştîya xo pawite. Serrgêra 37. ya qirkerdişî de ma qurbananê Enfalî yewna anê xo vîrî û qirkerdişî bi şîdet şermezar kenê. Ma do caro nê qirkerdişê hovaneyî xo vîr ra mekerê û medê xo vîr ra kerdene. Ma veng danê heme raya pêroyîya mîyanneteweyî ke wa Enfalî sey jenosîdê kurdan qebûl bikero û hesabê ci bêro persayene.
