MYK’yê DBP’yî, vengdayîşo tarîxî ra pey bi sernameyê “Vengdayîşê Birêz Ocalanî û çareserîya demokratîke ya problemê kurdî” viraşt. MYK’yê DBP’yî dîyar kerd ke ganî azadîya fizîkî ya Rayberê Şarê Kurd Abdullah Ocalanî bêra caardene.
MYK’yê DBP’yî, peynîya vengdayîşê Rayberê Şarê Kurd Abdullah Ocalanî bi rayberîya hemserekan Çîgdem Kiliçgun Uçar û Keskîn Bayindir kombîyayîşşê xo yê PM û hemserekê şaristanan bi sernameyê “Vengdayîşê Birêz Ocalanî û çareserîya demokratîkî ya problemê kurdî” viraşt.
Kombîyayîşî de peynîya nîqaşan de nê tesbîtî ameyê kerdiş;
- Vengdayîşê Birêz Ocalanî tena seba kurdan nê, seba heme şaran û demokratîkbîyayîşê Tirkîya mananeyêk xo de hewîneno. Ma sey DBP do seba pawitişê destkewteyê şarê xo, têkoşînê xo bidomnê.
- Înşakerdişê komeleyo demokratîk hedefêk nê, ganî sey şeklê cuyaye bêro hedefkerdene, seba tesîskerdişê adaletî şertêko bingeyî yo.
- Wayîrvejyayîşê îradeya çareserî ya Birêz Ocalanî, tena verpirsîyarîyêka sîyasî nê, verpirsîyarêka ameyoxê şarê ma ya.
- Pêvajoyêke Birêz Ocalan daya destpêkerdene, ganî bêro komelkerdene, vengdayîşê Birêz Ocalanî eynî demî de waştişê hembarî yê şaran o. Ganî her kes wayîrê na pêvajo bivejo.
- Ma na çarçiwe de do 100 merkez de têameyişê şarî û kombîyayîşan bivirazê. Na çarçiwe de ma do şarî ra malûmat bidê û parçeya pêvajoye bikerê. Xususî 8ê Adare û 21ê Adare, waran de bi coş û kelecanî wayîrvejyayîşê pêvajoye ma do nîşan bidê.
- Ganî azadîya fizîkî ya Birêz Ocalanî bêro caardene, seba averşîyîşê pêvajo şertêko avzel o.
- Ganî dewlet û hukmat do seba çareserîye nexşereya xo dîyar bikerê û gamê şenber bierzê. Bi lezûbez zemînê Meclîsî zî bêro pratîkkerdene, na pêvajo de STK, muxalefetî ra zî verpirsîyarî bêro dayene.
Ma sey DBP, vengdayîşo tarîxî ra wayîr vejîyenê, no vengdayîş zî do bi şarê xo gird bikerê. Na pêvajo tena pêşnîyazê sîyasetî nê, îfadeya şênber a têkoşînê şaran a. Ma do seba aştî û çareserîye ser o her tim bixebitê.
