Sekreterê Pêroyî yê ANPI’yî Fabrizio De Sanctisî ard ziwan ke ganî hukmatê Tirkîya bi gamanê zelalan cewab bido bira PKK’yî û va: ‘’Ganî Birêz Ocalan azad bibo. Aştîye bi hepskerdişê muxatanî nêbena.’’
Sekreterê Pêroyî yê Yewîya Partîzanan a Îtalya (ANPI) Fabrizio De Sanctis birê Kongreya PKK’yî ya 12ine seba aştîye sey gamêka pîle ercnaye.
De Sanctisî va: “Birê Kongreya 12ine ya PKK’yî gamê pîlî yê. Rewşa nikayêne de gama tewr avere na ya û bawerîyêka aştîye afernaye. Ganî dewleta tirke zî gamanê zelalan bierza. Dewlete sey gama verêne ganî Ocalan vera bida, destûr bida ke Birêz Ocalan bireso heskerdoxanê xo, keyeyê xo û embazanê xo. Ganî aktoro sereke yê newera raştkerdişê têkilîyan Tirkîya de bibo. Seba serkewtişê pêvajoye ganî pêro heqê kurdan bi qanûnan bêrê garantîkerdene. Şarê kurdî wa bibo hemwelatîyo têdûşt. ‘’
De Sanctisî îfade kerd ke netîceya xîretanê Rayberê Şarê Kurdî Abdullah Ocalanî de ancî Tirkîya de şensê aştîye yeno nîqaşkerdene û va: “Aştîye mabênê di terefan de yena kerdene. Hetê çareserîya meseleya kurdan ra Ocalan wayîrê rolêkê pîlî yo. Bi hepskerdişê muxatabî aştîye nêna. Ez hêvî kena ke Ocalan cade vera bidîyo.’’
Fabrizio De Sanctisî dîyar kerd ke seba serkewtişê pêvajoye ganî komelo mîyanneteweyî bi mesuldarî têbigêro û wina qedîna: “Komelo mîyanneteweyî ganî waştişê veradîyayîşê Ocalanî bikero û pêvajoya aştîye garantî bikero. Ganî komelo mîyanneteweyî bêveng nêmano.’’
