Hunermend Delîl Xidir va ke 23 serrê ke festîval beno, sare ma yene gos dane, şer kene sone û wina va: “Wayîrê hûnerê xo nêvejînê, wayîre zon nêvejîne, wayîre dîrokê nêvejîne. Kam ke bîyo tewer vunca bere welate xo.”
Hunermend Delîl Xidir, her serê yeno Mamekîyê, her serî şer keno welat çi est o çî bîyo khêm çi bîyo jede. Hûnermendê Dêrsimî, zere xo de kê çi est o ajansa ma (AW) rê qesey kerdî.
Sarê ma raê raştîyê xo zêde nêzaneno
Hunermend Delîl Xidir dîyar kerd ke Zanoqê Dêrsim kame, saîrê Dêrsim kame, nîye ke ma dimira yene, zanene ke zere kilamê ma de çi est a, ma çinay ser lawûkû vame çîye henen senîk zanene û wina va: “23 serrê ke festîval beno, sare ma yene gos dane, şer kene sone. Wayîrê hûnerê xo nêvejînê, wayîre zon nêvejîne, wayîre dîrokê nêvejîne. Kam ke bîyo tewer vunca bere welate xo.”
38 re Na Waxt Ma Jede Tengiya Dîme
Delîl Xidir wina domna: “38 re hatan nika sare ma zaf kerdî tewer, îyê ke şîye welate ser hîn heşîrî ye ûnûte ke, înû hesretê na welat jîn ûnîte ke, goştê xo kerde feke xo hîn amêy îta. Tayîne raê de merde. Vate ke somê welate xo selfîraz keme. Saîrê ma, şene xo de werte na gerdane xo de jû helînge viraşte, zere helîngê de kilamû, kirmancîyê, mîtolojî çîyê ke raştîye mao uzadê darde woê, hatan nika arde, thepa ma gûret, marê thepa se beno.”
Delîl Xidir wina qedîna: “Festîval çîyê rind bîkero vano, qomê ma haserê xo vîndero, îtîqat û jar û dîyarû, saîrû û hûnermenê xo xo vîra me kero. Şoteşkerê ma, çîye de xelet kerdî, ma îtîgat ser towa nêkerdene, îtîqatê ma de çîyê peynîyayî nîyo, sarê ma îtîqatê xezayîyo. Sare ma ke zonê pîû khalîk û pîrîkê nêzanîtî, îtîqat û vîra kerdî, saîrû însam û kamîlan nas nêkerdî, hûnermenî nêzanîtî bare beno giranî.”
