Semedê Emced Emînî, pîyê Jîna Emînî ke cezaya dardekerdişê Îranî protesto kerd, qerarê destbendkerdişî ame dayîş.
Emced Emînî, pîyê Jîna Emînî ke 16ê Êlule 2022î de hetê rejîmê Îranî ra bi îşkence amebî qetilkerdiş, semedo ke mesajê şermezarkerdişê cezaya dardekerdişî ya Pexşan Ezîzî weşan kerdibî, hedef amebi girewtiş. Emced Emînî ke hesabê xo yê medyaya dîjîtale ser o neql kerdibî ke derheqê ey de bi îdîayê “hemverê dewlete de propaganda” û “xeberê zûrî” 24 çeleyî roja îne Dadgeha Şorişî ya Seqizî de dewa ameye akerdiş.
Emced Emînî dîyar kerd ke o do heta wextê dadgehe zîndan de bimano û vat ke sucdarkerdişê ke ci rê yenê kerdiş, mesajo ke îdamî protesto kerdo rê girêdaye yo.
