Derheqê rojnameger Bêrîvan Kutlu de bi manayê weşananê televîzyonî yê derheqê erdlerzê 6ê sibate de dewa ameye akerdene.
Derheqê muxabîra ajansê Mezopotamyayî Bêrîvan Kutlu de bi manayê beşdarîya weşananê televîzyonî yê derheqê erdlerzê 6ê sibata 2023î de dewa ameye akerdene. Dewaya ke hetê Serdozgerîya Komare ya Anqarayî ra bi îdiaya “propagandaya rêxistine” ameybî amadekerdene, hetê Mehkemaya Cezayanê Giranan a Amedî ya 4. ra ameye qebulkerdene. Do roniştişê dewa 16ê teşrîna verêne de bêro kerdene.
Îdianame de deheqê beşdarîya Bêrîvan Kutlu de weşanê televîzyonî û vatişî “A rast xebatêka cigêrayîş û xelasnayîşî nîya, hewldayîşê vîndîkerdişê delîlan o. Cerdevanê ke Şirnex ra ameyê, merdiman dûrî fînenê. Merdiman mergî reyde rî bi rî verdanê” sey suc ameyê mojnayene. Îdianame de parekerdişê Bêrîvan Kutlu yê hesabê xo yê X’î ser o zî sey suc ameyê mojnayene.
Reyna Îdianame de vatişê “Sey encam; çarçewaya xebatanê weşan û çapemenîya rêxistine de, mîyanê girseyî de temînê endaman û sazkerdişê xebatanê propagandayî, resnayîşê xebatanê îllegal seba endamanê rêxistine, asankerdişê caardişê xebatanê rêxistine çarçewaya îdeolojîyê rêxistine û hewldayîşê caardişê xebatan ûsn.” ca girewtî.
