Şarê Dêrsimî semedê roja bimbareke Çarşemeya Şîyaye şî serê zîyara Gola Çetoyî çeraxî vîstî ta û loqmeyê xo parekerdî.
Gorêyê yîtîqatê şarê Dêrsimî aşma gucige sey “Aşma Xizirî” zî yena zanitene. Aşma gucige ra dime aşma adare ke dest kerd ci hîrê çarşemeyê verênê sey “Çarşemeyê Şîyayî” yenê qebul kerdene.
No adet o ke seserrano serê nameyê Çarşemeya Şîyaye xo dano dewamkerdene sey sarê wisarî zî yeno qebul kerdene.
Çarşemeya Şîyaye de keyeyan de, serê zîyar û dîyaran de çeraxî yenê tafîştayene, qurbanê yenê kerdene û loqmeyî yenê vilakerdene.
Şarê elewî û zafêrî zî elewîyê Dêrsimî vazenê ke pê nê loqmanê înan pê nê gulbanganê înan serre rind bêro, rind ravêro, xirabîye durî şêro.
Mekanê Zîyara Gola Çetoyî cayo ke Awa Mûnzûrî û Awa Pulemûrîye resenê pê o mabên de ra.
Şarê Dêrsimî semedê roja bimbareke Çarşemeya Şîyaye şî serê zîyara Gola Çetoyî çeraxî vîstî ta û loqmeyê xo parekerdî. Komela sazîya Pîr Sultan Abdalî (PSAKD) yê Şubeya Dêrsimî çeraxî vîstî ta. Kê Kureyşî ra Kadîr Bûlûtî gulbangî vendî û dimera zî loqmeyî ameyî parekerdene. (Çime PÎRHA)
