Gerînendetîya Polîtîkayanê Cinîyan û Gerînendetîya Karanê Weşî yê Şaredarîya Peyasî bi hembarîya şaxê Sendîkaya Kedkarê Weşî û Xizmetê Komelî (SES) yê Amedî, dewa Dankiran a ke girêdayî qezaya Peyasî ya Amedî ya, seba cinîyan xebatêka agahîdarkerdena derheqê laşo ganwerîye yê çiçikî pê ardî.
Şaredarîya Peyasî, çarçiweya “Aşma Hayîkerdena Laşo Ganwerîye yê Çiçikî” de, dewan de seba cinîyan xebatê agahîkerdene viraşt. Gerînendetîya Polîtîkayanê Cinîyan û Gerînendetîya Karanê Weşî yê Şaredarîya Peyasî bi hembarîya şaxê Sendîkaya Kedkarê Weşî û Xizmetê Komelî (SES) yê Amedî, dewa Dankiran a ke girêdayî qezaya Peyasî ya Amedî ya, seba cinîyan xebatêka agahîdarkerdena derheqê laşo ganwerîye yê çiçikî pê ardî.
Na xebate de, agahîyê hera derheqê laşo ganwerîye yê çiçikî û avzelîya teşhîsê lez ser o cinîyê dewe ra ame dayîne. Her wina yewîneyê weşî yê şaredarîye, pîvandîna tansiyon û şekîrê gonî yê cinîyê dewe kerdî û derheqê netîceyî de înan agahdar kerdî.
