Roportajo ke Fatîh Altayliyî serra 1997î de bajarê Bar Eliasî yê Lubnanî de Rayberê Şarê Kurdî Abdullah Ocalan reyde kerd û xeylê serrî qedexe mend, beşê ci 4. ame weşanayene.
Roportajo ke sîteyê Fîkranê Azadan de ame waşnayane cehdkerdişê aştîye ke Rayberê Şarê Kurdî Abdullah Ocalan wext kerdêne, cigêrayîşê ci yê muzakere û derheqê averşîyayîşanê sîyasîyan de erjnayîşê mîhîmî est ê.
Rayberê Şarê Kurdî Abdullah Ocalan roportaj de ard ziwan ke ganî dewlet bêro bedilnayene û nê vatî: ”Ganî dewlete bêro demokratîkkerdene. Ganî dewlete tabubîyayîşî ra vejîyo. Ganî felsefeya dewleta babî bêro veradayene. Dewlete wa bibo qij û însanî bibê gird.”
Rayberê Şarê Kurdî Abdullah Ocalan cehdkerdişê aştîye yê 1990yî vistvîrî û vat: ”Ma nika bêşert adirbirnayîşî rê hazir ê. Kam beno wa bibo ez temsîlkaranê aştîye bi hurmet pêşwazî kena. Ma komelê tirkan sey dişmenî nêvînenî. Tirkîya zî sey dişmenî nêvînenî. Seba ke ma sey dişmenî nêvînenî domnayîşê şerî zaf zehmet o.”
Rayberê Şarê Kurdî Abdullah Ocalan derheqê operasyonan û şerî de rexneyî kerdî û vat: ”Wehşeto ke nê tîmê taybetî kenî cayê ci lîteraturê şerî de çîn o.” Derheqê tewrbîyayîşê PKKyî de zî vat: ”Başûrê Kurdîstanî ra û Ewropa ra tim tewrbîyayîşî est ê. Îstanbul û metropolî pirr ê pawenê.”
Rayberê Şarê Kurdî Abdullah Ocalan erjnayîşanê xo yê derheqê Barzanî û Talabanî de nê vatî: ”Xeta ke nika Birêz Barzanî rayra beno mîyanê xeta ma ya pêroyî de ya. Xeta ke ma Rojhelatê Mîyanênî de raya benê, a xete de xebityeno.” Derheqê Îranî de zî vat: ”Îran vera ma dişmenîya taybete nêkeno. Ma goreyê hewcedarîya xo xebiteyanê.”
Semedê Rûsya zî vat: ”Werîkna ma tekîlaya dahîna xurt ronê.”
Rayberê Şarê Kurdî Abdullah Ocalan wina vat: ”Xo formulekerdişê nasname, kultur û cinsan cîyabîyayîş ney, newera serûberkerdişê dewlete yo. Sîyasîyê tirkan dewlete arda halê tabu. Lebedêk vejîya Çeçenîstan de şer vindarna. Xirab bi? Tirkîya de zî yew di leşkerê cesûrî vejîye xirab nêbeno.”
Rayberê Şarê Kurdî Abdullah Ocalan derheqê rêxistinbîyayîşê cinîyan de zî wina vat: ‘”3 hezaran ra zafêr cinîyê xoverdayoxî vejîayî werte. Cinîyan reyde raşt ciwîyayîş huner o. Xebatê cinîyan xebatê rind ê.”
Roportaj bi mesajê Rayberê Şarê Kurdî Abdullah Ocalanî yê Tirkîya de akerdişê demokratîkî û prosesê aştîye mumkun o qedîya.
