Goreyê xeber û agahîyanê çapamenîya DYA’yî çimeyê îstîxbaratî ra girewtê, DYA’yî şewa binê da tesîsêk nukleeerî yê şaristanê Rojhelatê Kurdîstanî Bokanî ro.
Şerê Îsraîl-DYA û Îranî bi hêrişanê her di hetan dewam keno. Goreyê xeberanê çapemenîya DYA’yî çimeyê îstîxbaratî ra girewtê, şewa bine tesîsêk şaristanê Rojhelatê Kurdîstanî Bokanî de ameyo hedef girewtene. Yeno îdia kerdene ke tesîs ameyo bombabaran kerdene, tesîs seba amancê nukleerî ameyene şuxulnayene. Dîmenê derheqê bombabaranî ameyê weşanayene. Dîmenan de teqayîşê girdî yenê hesnayene û şewate tesîsan kewena.
Xeylê pisporî ameyê kiştene
Xebere de yeno îdia kerdene ke xeylê kesî tesîsê zengînkerdişê uranyûmî de xebitîyenê, netîceyê bombabaranî de ameyê kiştene. Raporê ke derheqê tesîsî de ameyê eşkera kerdene ke tesîs binê nameyê şîrketêka şit rotişî de kar kerdo, la hetê yewîneyê îstîxbaratî ra ameyo tespîtkerdene.
Tesîs ame çinkerdene
Goreyê dîmen û çimeyanê herêmî tesîs bi temamî ameyo çinkerdene. Sewbîna zî ame eşkerakerdene ke serê dîmenanê uydî ra do xebatanê tesîsî ser o cigêrayîş bêro kerdene.
