Bi ameyişê Çarşeme yewin a çeleyê zimistanî rê welatijê Hewremanî, Kurdistanê Rojhilatî de şonê Hewramano Text seba pîrozkerdişê Roşanê Pîrşaliyar. Verê roşanê bi rojan welatijê herêma xo seba roşanî hadre kenê.
Roşanê çeleyê gird hîrê rojê ameyoxî yê aşma 2îne ya serra mîladî de, sey roşanê kurdî yê kevnar ke dînê kurdî yê yarsanî, zerdeştî, êzidî de her serre bi name û vengê cîya Hewraman û Laleşa Nûranî de yeno pîrozkerdêne.
Nîqaşê cîya est ê ser kesayetîya Pîr Şalya ya “Pîr Şehryar”. Goreyê tay vatişan nameyê ci Homayê lajê Camasp o. Sey Pîr Şalyarê Hewramanî namdar o. Goreyê nê malûmat û çimeyê destnuştişê kitabê Serencamî Dewrên Şahxoşînî de ameyo nuştêne.
Pîr Şalyar 1006î de Hewraman de maya xo ra bîyo. Demê ciwanîya xo de verê xo dayo Loristan û şîyo hetê Şahxoşînî. Hîrê serrê uca de mendo û peynî ser waştişê Şahxoşînî agêrayo Hewramanî û vengdayişê vîr û bawerîya Yarsanîye kerdo. Serra 1098î de zî rehmet kerdo.
Roşanê Pîr Şalyar
Roşan û ahengê Pîr Şalya Hewraman de açaryeno demvîyarteyo tarîxî. Kurd no roşan zaf pîroz û avzel vînenê û sey roşanê kurdî yê verênî vînenê. Her serre Hewramano Textî de yeno firazkerdêne.
