Êlih de bi hezaran welatijan binê varanî û hewayê serdinî de bi siloganê “Bijî Serok Apo” şahîya Newroze ca girewt.
Êlih de Newroze Qada Newroze yê Taxa Pazaryerîye de yeno pîrozkerdene. Bi hezaran kes bi cil û belgên xo yê Kurdî ameyî qada Newroze. Bi hezaran welatijan binê varanî de qada newrozî pir kerde û dest bi govende kerd.
Zêdeyê weletijan bi cil û belgên xo yê neteweyî dê xo ra û ameyê rasteyê Newroze. Qade de filamayê kesk û sor û zer ameyî ravaznayene û girseye silogananê “Bijî Serok Apo”, “Bê Serok jîyan nabe” û “Bijî berxwedana gelê Kurd” berz kena. Zê heme qadanê Newroze de emser qada Newroza Elîhî de zî posterê Rayberê Şarê Kurd Abdullah Ocalanî yênê berzkerdene.
Şayîye de Wekîla DEM Partîye û endama Heyeta Îmraliye Pervin Buldane yew qisey kerd û vat: ” Ganî Rayberê Şarê Kurdî Abdullah Ocalan şertanê azad de bixebitîyo. Endî wextê qiseykerdişî nîyo, ganî gamê pratîkî bêrê eştene. Siba ra dima bingeyê qanûnî bêrê ronayene. Na cografya seba aştî amade ya.
Dima ra dayîkê aştî vejîyayê sehne ser girseye selam kerd û Newroza şarî pîroz kerd.
‘Wext wextê azadîya Rayber Apo yo’
Aktîvîsta TJA’yî Zekîye Îlbasan zî Roşanê Newroze û Remezanî yê şarî pîroz kerd û wina vat: “Hêvî kena ke nê roşanî bibê wesîleyê aştî. ewro zî Rêber Apoyî komel bi pêşengîya cinîyan rêxistin kerd. Na paradîgmaya ke Serek Apoyî awan kerda. Ma do bi pêşengîya cinîyan de bidomnê. Ewro wext wextê azadîya cinîya, komelo demokratîk o, wext wextê azadîya Rayber Apo yo. Ma şarê Êlihî ra bawer ê. Ma do bi sloganê “Cinî, Cuye, Azadî” û ruhê Newroze serbikewê.
Dima ra parlamenterê DEM Partî Pervîn Buldan û Sezaî Temellî, hemşaredar, hemserekê DEM Partî yê şaristanî adirê Newroze wekerd.
Şayîya Newroze bi konserê hunemend Nuray Balik û Harun Elkî dewam kerd.
