Serokkomar Recep Tayyip Erdogan, Partîya xo ya 32. ya Şêwirmendî û Ercnayîşî de qisey kerd. Serokkomar Erdoganî wina va: “Ewro rojeka newî ya, tarîx de pelêko newe ameyo akerdiş û gama verêne de TBMM de ma yew komîsyon awan kenî, pêwîstîyê hiqûqî yê prosesî qiseykerdişî ra dest pê kenî.”
30 endamanê Komeleya Aşîtî û Komelê Demokratîkî serê vengdayîşê Rayberê Şarê Kurdî Abdullah Ocalanî de Silêmanî de bi merasîmêko gird çekanê xo îmha kerdî û vengê Rayberê Şarê Kurdî Abdullah Ocalanî rê verpers da.
Na babete ser o Serekkomar û Serekê Pêroyî yê AKP’î Recep Tayyîp Erdogan qîsey kerd û wîna va: “Ma hêsiranê dayîkan paqij bikerê, dejan kêm bikerê û birayîyî xurt bikerê, bi xurtî teqîb kenî. Netîceyê muzakereyî, yew prosesê ardişî-berdişî nîyo. Ewro rojeka newî ya, tarîx de pelêko newe ameyo akerdiş. Ewro Tirkîyeya pîle û xurt, serrîya Tirkîya, heta peynî ameyê akerdiş. Ewro zî famê ma, polîtîkayê ma, rayîrşîyayîşê ma tena û tena xeyrê Tirkîya de yo. Çi kenî ma Tirkîya rê kenî, çi kenî ma şarê xo rê kenî, çi kenî ma xoserbîyayîşê xo rê kenî. Hewldayîşê yewîya ma, pîyabîyayîşê ma, welatê ma, şarê ma, aşîtîya ma hedef kenî de nêbenî, nê hawayî hewldayîşan rê qet îcaze nêdanî.”
86 milyon qezenc kerd
Serokkomar Erdogan wina domna: “Çek veradayîşî ra Tirkîya qezenc kerdo, şarê mi qezenc kerdo. tirk, kurd, ereb û 86 mîlyon her yew welatîyê ma qezenc kerdî. Her yew endamê şarê ma nê tabloyî ra keyfweş bibo, roşan bikero. Eke tirk, kurd, ereb yew bo, pîya bo o wext tirk est o, kurd est o, ereb est o. Wexto ke cîya benî, parçeyî benî o wext çinbîyayîş, hezimet est o. Ewro ruhê Malazgirtî, ewro îtîfaqê Qudsî, ewro nîşaneyê Şerê Xoserbîyayîşî reyna şikl gêno. Wexto ke zerrî yew benî sînorî wedarîyenî. Gama verêne de TBMM de ma yew komîsyon awan kenî, pêwîstîyê hiqûqî yê prosesî qiseykerdişî ra dest pê kenî.”
