Heyetê DEM Partî yê Îmraliyî pêvînayîşê Erdoganî ra pey eşkerayîya nuştekî daye û vat: “Ma welatê xo rê eşkera kenê ke ma keyfweş ê ke ma vizêrî ra ewro hîna hêvîdar ê.”
DEM Partî derheqê pêvînayîşî de ke mabênê Heyetê Îmraliyî û Serekkomar Recep Tayyîp Erdoganî de ame kerdene, eşkerayîyêka nuştekî daye.
Eşkerayî de wina ame vatene: “Pêvînayîşo ke ma birêz Serekkomar Recep Tayyîp Erdogan û heyetê ey reyde kerd, atmosferêko zaf pozîtîf, kerdox, berhemdar û seba ameyoxî hêvîdar vîyart.
Muhîmîya proseso ke ma resayê û asta ci ameye tesdîqkerdene û merheleyê averî ameyê nîqaşkerdene. Ame dîyarkerdene ke serdemo ke tede zilm û şer nêmano û xurtkerdişê qada demokratîke û sîyasî, seba welat, welatijanê ma û herêma ma wayîrê muhîmîyêka heyatî yo.
Heyetê ma û partîya ma do demo vernîya ma de zî xebatanê xo yê seba caardişê vengdayîşê ‘Aştî û Komelo Demokratîk’ bi îrade û baldarîyêka hîna xurt bidomnê. Ma welatê xo rê eşkera kenê ke ma keyfweş ê ke ma vizêrî ewro hîna hêvîdar ê.
Ma heme hetanê sîyasî û temsîlkaranê komelî rê sipas kenê ke bi pêşnîyaz, hişyarî û rexneyanê xo hêzê xo tewrê prosesî kerdo.”
