Parlamentoyê Ewropa û Brîtanya ra heyetêk seba şinasnayîşê sîstemê demokratîk û piştgirîya Rayberîya Xosere vizêr resa herême. Heyetî dîyar kerd ke ê do ewnîyayîşanê xo Yewîya Ewropa reyde pare bikê.
Vizêr heyetêko ke 12 parlamenteranê Parlamentoyê Ewropa û yê Brîtanyayî û endamanê sazîyanê komelo sîvîl ke kurdî zî tede est ê, resa Vakûr û Rojhelatê Sûrîye.
Heyet Merkezê Pêroyî yê Dayîreyê Têkîlîyanê Teberî yê Rayberîya Xosere ya Qamişloyî hetê hemserekanê dayîreyê Îlham Ehmed û Fener Gîet û her di cagiranê înan Gulîstan Elî û Robêl Beho ra ameyê pêşwazîkerdene.
Îlham Ehmed xêrameyîşê heyetî kerd û heyetî rê da zanayene ke demo de ke herême rewşêka zehmete ra vîyarena, ameyîşê înan muhîm o. Xebatê înan ê seba çareserkerdişê kaosê Sûrîyeyî zî dewam kenê.
Goreyê agahîyanê ke ma heyetî ra girewtê, ê seba şinasnayîşê sîstemê demokratîk û hewayê caardişê ey ameyê herême û ê do projeyanê aborî pêşkeşî Rayberîya Xosere bikerê. Reyna dîyar kerd ke ê do zehmetîyanê vernîya Rayberîya Xosere wezaretanê karanê teberî yê dewletanê Yewîya Ewropayî.
Heyet do 2 rojî partîyanê sîyasî, sazî û çalakîkeranê sîvîlan zîyaret bikero.
