Dewa Femeyî ra Erkan Keskin wina va: “Ez û mesane xo Sampasê de woyiê kon. Heştay û hewtûne de Sampasê dewe bî, gîradayî ya Pillemorî bî, tehepa Sampasa mezrûne Feme kerdî, Feme kî, gîre de Çêrme. Nika kam ke dewe de, mezrû de mendî xorê naxir, bizû, woyiyê kene, tayîne kare mesû dere, merge çînene, hegay ramene, qatîq dane arê kar û gûrê îtay nao.”
Erkan Keskîn mezraya Şampasa ya girêdaya dewa Femeyî ya Çêrme ya Çewlîgî ra yo.
Ajansa ma rê behsa karûbarê dewa xo kerd.
Vazen kê sare marê hemgenê sosî bî derî
Erkan Keskîn wina va: “Des û phonç serre ke na kere kon. Mesû zimistan bon Antakya, Dersim, Erzûngû, Usar ke bî, hîre asme an Sampasa. Xezala ma sevetena hemgen ra rind o, hemgene pak vezon, dûrû derî me, çîye xiravin ne kon zere hemgen. Awe xo zelala, gile koû de gûl û sosînê, rîveşê, her çi esta. Îta de dewe de je de kesû çîno, kes ne mendo, 94’de dewe kerdî thal. Giranîye karê ma teyna mane me, koû fe gereşû de teyna maneme, zêw çîye giranîye çîna. Ma vazeme ke sare ma hemgene wosî bûro, rind ke gûtîya çîyê neweşîye ne bena.”
Sarê marê veng dan pheysêr bere welat
Erkan Keskîn wina domna: “Sare ma vûnca bero welatê xo, dewe şen bo, kokê maê îtato, pîê khalîk ra thepa ma woşîye îta de ramito, rindiyê xiravini yê îta de bîyo. Ez û dewûne xora hes kon. Ma bese ne keme dûrî şerî me, vunca dewe mare wosî yena, kilamanê ma mare wosî yena, ma xeyla heşîrî ye dî, bê cîranû menfî mê, sare ma kê kerdî tever, tever de ne zanîtê ke sepkerê. Endî nevazeme tewer şerîmê.”
Erkan Keskîn wina qedîna: “Waxtê veren de, cîranîyen rind bî, dewe şen bî, her çi mare rind amanê, kes kesû ra towa ne kerdene, woşîye xo ma rind ramitene. Kam ke domanî ye de na welate de mendo, sepkero bi kero vûnca yeno welate xo. Ez û teyna Kare nê welat re ke hes konî, sepkerî bî kerî, teyna bi manî ez û vunca caê xo de tever ne bon.”
