Fermandarê Yewîna Pawitişê Rojhelatê Kurdistanî (YRK) Şîyar Şevgerî têkoşînê 22 serran ser o qisey kerd û vat, “Eke ewro hêvî est a, no bi saya fikranê Rayber Apoyî û şehîdanê ma yo”
Şevgerî vat: ” Rojhelatê Mîyanênî de vejîyayîşê Rayber Apoyî seba heme dinya bî çimeyê hêvî yo newe. Bi taybetî seba şarê kurdan û Kurdîstanî bîyayîşê Rayber Apoyî manaya newebîyayîşî, xonaskerdişîû newe ra dîyakerdişê herra xo daye. Ma zî bi ci reyde newe ra bîyê.”
Serrgêra ronayîşê PJAKî ya 22.
Şevgerî ard vîrî ke PJAK 4ê nîsane 2004î de Rojhelatê Kurdîstanî de bi îlhamê fikr û paradîgmaya Rayber Apoyî ameyo ronayene û 22 serrî yo Rojhelatê Kurdîstanî û Îran de rêxistinbîyayîşê xo dewam keno.
Şevgerî vat: “22 serrê têkoşînî de Rojhelatê Kurdîstanî de zaf şehadet û bedelî ameyî dayene. Zagros, Akîf, Simko; hepisxaneyê Evînê yê Tahranî de îdam bîyî, Sinê de Bahoz, Urmîye de Hêmîn, Xoyî de welatperwerê ke îdam bîyî û desan şehîdê bînî; Dalaho de pêşengîya Birusk hevalî de 12 hevalê ke şehîd bîyî, ma hemînan anê vîrî.”
Şevgerî vat: “Rejîmê Îranî yê îşxalkerî gama ke hevalê ma berdêne dardekerdene zî nêeşka ma apey bido. Hevalanê ma dardekerdişî de zî vatêne ‘Eke merdişêk do bibo wa birûmet bibo, naye ra dûrî ma na cuya qebûl nêkenê.’ Nê bingeyî ser o Rojhelatê Kurdîstanî û Îran de têkoşînê azadîya cinîyan bi sloganê ‘Jin, Jîyan, Azadî’ dest pêkerd.”
“Şarê ma ganî xo xurt bikero”
Şevgerî vat: “Eke ewro hêvîyêk est a, no, bi saya fikrê Rayber Apoyî û şehîdanê ma yo ke seba têkoşînî bedel dayî. Îlam, Kirmaşan, Lorîstan, Kamyaran, Sinê, Merîwan, Seqiz, Bokan, Urmîye, Serdeşt, Pîranşar û Şino ra heta Mako heme şarê ma rê seserra ke mîyan de yê, teqez do bibo seserra azadîye. Serra 2026î zî do bibo serra azadîya şarê kurdan. Seba azadîya şarê kurdan çîyo ke tewr hewce yo, yewbîyayîş û pîyabîyayîş o.”
